Домашниот сандалгејз состав „Undone“ преку „Јутјуб“ објави видео за тема со име „The Song From The Next Album“, која ќе се најде на новиот албум „Fountainhead“.
Видеото е на Филип Митров, односно на „Batflix Filtrov Productions“.
Приказната за „Undone“ започна во 2010 кога Ронит Бергман беше поканета во Македонија да направи поетски перформанс. Потоа, перформансот продолжи на интернационален поетски фестивал во Струга, а подоцна се претвори во албум „If We Are Here“ (2011). Останувајќи на експерименталниот поетски-рок пат, следниот албум „Indeed“ беше создаден низ тридневна џем сесија, по што Бергман имаше се’ повеќе колабораации со пријатели, луѓе што ги запознаваше преку интернет, или со музичари од Македонија.
Обично музичарите кои учествуваат во колективот „Undone“ имаат свои проекти и бенд, па кога работат заедно – секој со свој музички белег се вклучува во создавањето на песните, свират, пеат, креираат звук… На тој начин беше издаден „Family“ во 2016 и „kNOWing Eva“ во 2017 година.
Пред најавениот „Fountainhead“, составот во 2018 го издаде и албумот „Everything Is new under the Sun“.
Музиката на „Undone“ често патува низ она што се вика „exotic sandalgaze quest“, алтернатива, нео-психоделија, спејс-поезија…