Иницијативата „Супорт Кочани“ (Support Kocani) ја исплати фактурата за првата тура компресивна облека за потребите на повредените во пожарот во дискотеката „Пулс“ во износ од 923.458,00 денари – средства целосно обезбедени преку донации. Компресивната облека треба да пристигне во Кочани околу 16 јуни.
„Обезбедени се и средства за втора тура компресивна облека, за која на 16ти и 17ти јуни ќе дојдат повторно експерти од Бугарија и ќе започне процесот на земање мерки“, информираат од иницијативата.
Тие изразуваат голема благодарност до фирмите „Julius Zorn GmbH“ и „Health 2000“, кои одобриле попуст од 19.600,00 лева и овозможиле оваа помош да стигне до што повеќе повредени.
„Иако некои процеси траат подолго додека да бидат завршени, ова е доказ дека кога има волја, има и начин. Ви благодариме на сите вас – граѓани, пријатели, непознати хумани срца – покажавте што значи вистинска солидарност“, велат од „Support Kocani“.
