Повеќе од 300 лица биле уапсени во Вашингтон за време на синоќешниот протест против американскиот претседател Доналд Трамп и неговиот предлог за врховен судија, Бред Кавано.
Меѓу уапсените биле и комичарката Ејми Шумер и моделот Емили Ратајковски, кои се обидувале да упатат последен повик до сенаторите, да го одбијат номинираниот кандидат кој е обвинет за сексуално насилство, пред денешното гласање за избор на Кавано во највисокиот суд во САД.
Неколкуте илјади демонстранти, најголемиот дел од нив жени, маршираа низ американскиот главен град и одржаа говори пред Врховниот суд и зградата на парламентот извикувајќи „Кавано мора да оди!“ и „Време е жените да бидат слушнати!“.
Полицијата ги опколила демонстрантите во зградата на Сенатот, каде граѓаните протестирале со седење на подот и одбивале да го напуштат местото.
„Денеска бев уапсена при протест против номинацијата на Бред Кавано за Врховниот суд, човек обвинет од повеќе жени за сексуален напад. Мажите кои повредуваат жени повеќе не можат да бидат ставани на моќни функции“, напиша Ратајковски на Твитер.
Today I was arrested protesting the Supreme Court nomination of Brett Kavanaugh, a man who has been accused by multiple women of sexual assault. Men who hurt women can no longer be placed in positions of power. pic.twitter.com/nnwq1O4qk3
— Emily Ratajkowski (@emrata) October 4, 2018
Уште еден протест се одржал пред зградата на Трамп во Њујорк.