Еколошката заедница на скопската гимназија „Орце Николов“ (ЕЗО), следната недела, од вторник до четврток, организираат размена на облека.
„Ако во плакарот имате некое парче облека, обувки, марами, каиши, накит и други модни аксесоари кои ви здосадиле, а се во топ форма, можете слободно да ги донесете кај бината на Орце. Секој што ќе донесе има право и да си земе нешто што му се допаѓа. Главната цел на настанот е размената, а не донирањето, кое е само начин за справување со остатокот. Ние сакаме секој да најде парче кое му се допаѓа“, посочуваат иницијаторите на акцијата.
Облеката ќе може да се донесе во вторник и среда во термините од 7:15 до 7:30 и од 12:45 до 13:00 (пред почеток на прва и втора смена), како и на големите одмори од 09:00 до 9:20 и од 14:30 до 14:50. Шопингот (земањето облека) е во четврток од 12 до 14 часот.
Настанот ќе се случува по пат на систем со ливчиња – секој има право на иста количина на парчиња колку што донел.
Иницијаторите најавуваат дека целата облека која ќе остане, ќе биде донирана.