Авионската компанија „Рајанер“ преку својот Твитер профил ги предупреди луѓето да внимаваат на онлајн измама со која се нудат бесплатни билети.
„Ова не е официјална промоција“, напиша компанијата.
На социјалните мрежи започна да се шири линк на кој се вели дека авио-компанијата им доделува бесплатни карти на оние кои ќе ја споделат објавата и ќе ја испратат во порака на уште 15 пријатели. Ова, како што пишува во лажната објава, е по повод 35. роденден на „Рајанер“, иако компанијата е основана во 1984 година.
Голем број луѓе останаа разочарани по реакцијата на компанијата, барајќи таа вистински да ја реализира оваа акција. Сепак, оттаму се уште нема одговор на овие барања.