Младински образовен форум организира бесплатно предавање за успешно лансирање на продукт, зголемено присуство на нови пазари и поголема свест за сопствениот бренд преку некоја од попознатите Crowdfunidng платформи (Kickstarter, Indiegogo, GoFundMe, LendingClub, Crowdcube, FundingCircle, LetsFundIt, Funderbeam).
Предавач ќе биде Иван Зографски, ко-основач на Солвео – агенција за стратешки дизајн и иновации која ги поттикнува компаниите да испорачаат иновативни решенија. Предавачот беше дел од една од успешните Crowdfunding приказни во Македонија заедно со тимот на Солвео и TipOfTheWeek – првата интерактивна книга за личен и професионален развој што доаѓа од Балканот. Кампањата ја достигна дефинираната цел од 8.000 $ поставена на Kickstarter и подигна 8.259 $. Поддржана од 105 поддржувачи, од повеќе од 50 различни земји, кампањата беше успешно завршена.
Ова предавање е дел од проектот „Ангажирање на приватниот сектор во образование за претприемништво“ кој во државата се спроведува од страна Младински образовен форум (МОФ) и Институт за европска политика (ЕПИ), со поддршка од Центарот за меѓународно приватно претприемништво (CIPE).