Младинскиот образовен форум – МОФ објави повик за нови членови на Медиа/Арт клубовите низ Македонија.
Членовите на овие клубови преку активности и обучени предавачи учат како да ги користат новите медиуми и техниките на уметноста со цел да се постигне младински активизам и помагање на локалната заедница.
Програмата на клубовите ќе трае од октомври до мај идната година, а преку неа членовите ќе можат да учествуваат во развивање на уличната и дигиталната уметност, видео активизам и краткометражни филмови, новинарство и радио емисии, перформативна уметност и драма, и од оваа година, реупотреблив дизајн.
Медиа/Арт клубовите се место за слободно и креативно изразување на младите. Во моментов постојат 5 во Македонија и тоа во Скопје, Тетово, Велес, Неготино и Струга. Содржините кои младите членови на Медиа/Арт клубовите ги создаваат имаат цел да поттикнат размислување и дејствување на конкретна општествена тема од нивен интерес.