Македонија го платила долгот во ООН

Откако медиумите објавија дека Македонија го изгубила правото на глас во Обединетите нации поради неплатен долг, Министерството за надворешни работи излезе со информации дека долгот е подмирен.

Во однос на плаќањето по основ на контрибуции кон обединетите нации неопходниот износ бил подмирен и тоа во скоро време ќе биде нотирано во Обединетите нации, информираат од Министерството за надворешни работи, пренесе Канал 5.

На Македонија и беше одземено правото на глас на Генералното Собрание на Обединетите нации поради долг кој изнесува 24.606 американски долари.

Ваквиот потег беше наведен во писмото кое е испратено на 12 јануари од Генералниот Секретар на ООН, Бан Ки Мун. На листата на држави кои го изгубиле гласот се наоѓаат Гренада, Киргистан, Гвинеја, Руанда, Сомалија и Јемен.

Правото на глас на наведените земји членки ќе им биде вратено откако ќе ја подмират целосната сума за членарината.