Комичната опера „Рита“ од Гаетано Доницети во Опера и балет

Во среда (21 септември) на малата сцена во Националната опера и балет со почеток од 20 часот ќе биде изведена комичната опера во еден чин „Рита“ од Гаетано Доницети.

„Рита“ е приказна за младата и убава Рита, вплеткана во сплетките и интригите на брачните недоразбирања со комичен и среќен завршеток.

Диригент е Бисера Чадловска, режисер е Трајко Јордановски, сценографијата и костимите се на Марија Ветероска, а концерт мајстор е Јане Бакевски.

Солистичка екипа ја сочинуваат: Ана Ројдева, Јане Дунимаглоски, Васко Здравков, Борко Биџовски.