[Изложба] Виц за русокосата: стереотипите во кои живееме

Во Етнографскиот музеј во Загреб до 17 октомври е отворена изложбата „Виц за русокосата: стереотипите во кои живееме“ на авторката Ирена Колбас.

Станува збор за поставка која ги истражува стереотипите како универзален и културолошки феномен, како интердисциплинарна и трансдисциплинарна тема, особено актуелна за истражување во последните две децении во книжевноста, филмот, уметноста, политиката…

Изложбата треба да помогне во сфаќањето и разбивањето на стереотипите, врзани главно за жените, но и расните, националните, верските и социјалните поделби.

Освен класичната поставка оваа изложба е и интерактивна – посетителите може да снимат видео за стереотипите со кои се среќаваат, со што поставката постојано ќе се надоградува.

Е.Д.