Градските власти во Париз се казнети со 90.000 евра поради тоа што поставиле премногу жени на раководни функции, одлука која градоначалничката Ане Хидалго ја нарече апсурдна, јавува „Еуроњуз“.
Казната е изречена од Министерството за јавни служби на земјата, за кршење на законот наречен „Совадет“. Една целите на законот кој стапи на сила во 2013 година, беше да обезбеди повеќе жени во државната служба да бидат унапредени на управувачки позиции.
Како таков, тој не дозволува повеќе од 60 отсто од функциите да бидат раководени од ист пол. Уште во 2018 година, 11 жени беа назначени на раководни позиции во градското собрание во Париз, во споредба со пет мажи, со што претставуваа 69 отсто од именуваните.
„Казната е очигледно апсурдна. Уште повеќе што е неправедна, неодговорна и опасна“, изјави во понеделникот Идалго.
11 femmes, 5 hommes… La Ville de Paris a été condamnée à 90.000 euros d'amende parce que trop de femmes directrices ont été nommées.
Avec mes adjointes, les directrices et les présidentes de groupe, nous irons donc porter ce chèque à la Ministre de la Fonction publique. pic.twitter.com/yMDAeH86eS
— Anne Hidalgo (@Anne_Hidalgo) December 15, 2020
„Ние мора да ги промовираме жените со решителност и енергија затоа што јазот насекаде во Франција е сѐ уште многу голем. Така да, за да се постигне сооднос еден ден, потребно е да се забрза темпото и да се осигура дека во номинациите има повеќе жени од мажи“, додаде таа.
Исто така, таа рече дека чекот ќе го достави лично во министерството, придружувана од нејзините заменички и функционерки.