[Галерија] Првите клабери на Ибица во 80-те

Балеарскиот остров Ибица веќе триесет години е светска престолнина на клупската култура. Островот сега е претворен во туристички рај со десетици врвни клубови во кои секое лето настапуваат најдобрите светски диџеи. Но, Ибица има долга историја како место за хедонистите, како и за алтернативните движења и култури. Во 30-те години на минатиот век, островот бил засолниште за противниците на режимот на Франко и алтернативните интелектуалци. Во 60-те и 70-те, на Ибица пристигнале хипиците, а од 80-те, таа е место на најдобрите летни забави во Европа.

Во 1984, кога Ибица штотуку станала актуелна кај европските журкаџии, биле отворени двете дискотеки: Pacha и Ku. Фотографот Derek Ridgers овековечил една вечер во клубот Ku, а фотографиите ги претставува деновиве, на изложбата наречена „Ibiza, moments of love“. Сликите сведочат за гламурот и атмосферата на почетоците на клабингот на Ибица.

 

Извор