[Галерија] Фустани од копчиња и најлонски кеси – средношколки блеснаа во „trash“ креации

Тимови средношколци од 47 училишта и годинава ги претставија своите модни креации изработени со материјали редизајнирани од отпад, на традиционалниот натпревар „Trash Fashion“. Целта на настанот е да се подигне општествената свест за  природата, со намалување на отпадот преку рециклирање. Фустани изработени од најлонски кеси, чанти од јутени вреќи и компјутерски тастатури, чевли од копчиња – средношколците одново покажаа дека не им недостига креативност.

„Trash Fashion Македонија“ го организира здружението на граѓани „ОХО“, а настанот e дел од програмата „Интеграција на еколошката едукација во македонскиот образовен систем“, која се спроведува во соработка со Швајцарската агенција за развој  и Министерството за образование и наука.

Погледнете дел од креациите на младите дизајнери: