Академијата за филмски науки и уметности ги објави 20-те филмови кои се потенцијални кандидати за номинација за Оскар за најдобри визуелни ефекти во 2016 година. На осум од нив, работеше македонската компанија за анимација и визуелни ефекти ФХ3Х.
Тоа се филмовите „Batman V Superman“, „Dawn of Justice“, „Independence Day: Resurgence“, „Miss Peregrines Home for peculiar children“, „Passengers“, „Suicide Squad“, „Sully“,„Warcraft“ и „X-Men: Apocalypse“.
Во изборот на кандидати за Оскар влегуваат и филмовите:„Alice Through The Looking Glass“,„Arrival“, „The BFG3, „Captain America: Civil War“, „Deadpool“,Deepwater Horizon“, „Doctor Strange“, „Fantastic Beasts And Where To Find Them“, „The Jungle Book“, „Kubo And The Two Strings“, „Rogue One: A Star Wars Story“ и „Star Trek Beyond“.
Од оваа проширена листа наскоро ќе бидат избрани 10 филмови кои ќе продолжат во понатамошната селекција се до 24 јануари, 2017 година, кога ќе бидат соопштени официјалните пет номинации. Свечената церемонија за доделувањето на Оскарите е на 26 февруари 2017 година.