Европската Унија прифати продолжување на рокот за излегување на Велика Британија од Унијата до 31 јануари 2020 година, според изјавата пренесена на Твитер на претседателот на Европскиот Совет, Доналд Туск.
Туск пишува дека ЕУ ќе дозволи таканаречена „флекстензија“, што значи дека Велика Британија ќе може да ја напушти Унијата и пред овој краен рок доколку договорот за „Брегзит“ биде прифатен од британскиот парламент.
The EU27 has agreed that it will accept the UK’s request for a #Brexit flextension until 31 January 2020. The decision is expected to be formalised through a written procedure.
— Donald Tusk (@eucopresident) October 28, 2019
Ова продолжување на рокот доаѓа откако британските пратеници се подготвуваат да гласаат на предлогот на премиерот Борис Џонсон за вонредни избори кои би се одржале на 12 декември.