Давид Ангелевски издаде нов албум со проектот „Афионови полиња“  

Музичарот Давид Ангелевски, кој веќе има широко музичко досие со Пиколомини, издаде нов албум со проектот „Афионови полиња“.

Се работи за истоимен албум со 11 песни, комплетно со музика, текст и дизајн на омот на Ангелевски, снимен во студио ФК Градски Ѕид – Скопје во периодот од јуни 2021 до мај 2022 година. Новото парче е објавено под закрила на независната издавачка куќа Шарла (Sharla).

Албумот може да се преслуша и одредено време да се симне на платформата Бендкемп на Шарла.

Делото е придружено и со текст, каде Ангелевски дава свој личен авторски белег, тематски поделен со имињата на песните.