Блокадата на зградите на судот и обвинителството во Нови Сад продолжува сè додека не бидат ослободени сите уапсени активисти. Младен Цвијетиќ, Давор Стефановиќ и Срѓан Ѓуриќ остануваат во притвор. Лазар Диниќ, Марија Васиќ и Ладо Јововиќ се во домашен притвор, пренесува Н1.
Синоќа во Кула имаше инциденти, имено туркање и буткање, меѓу граѓани и поддржувачи на СНС.
Денеска, средношколците во Белград протестираат пред Министерството за образование против продолжувањето на учебната година. Студентите во Ниш, пак, најавија нова фаза од борбата. Тие се наоѓаат во паркот спроти судот, каде ги поканија граѓаните да дојдат и да ја видат втората фаза од борбата во девет и пол часот.
„Идејата е да се испрати јасна порака, некои од нашите колеги се ослободени, а некои не. Испраќаме јасна порака дека за оваа земја, излезот од кризата е работа на институциите, што ќе биде обезбедено со избори. Се собираме за да можат сите да нè видат. Беззаконието и селективната правда не можат да владеат“, рече Богдан Тимотиевиќ, студент на Правниот факултет.
Планот е да останеме тука некое време, а потоа ќе одиме во зградата на Универзитетот.
„Немаме јасна поддршка од Ректоратот. Не се огласуваат“, додаде студентот.
