Белгиската полиција тргна во лов на сите приватни дронови, кои се користат претежно за правење фотографии, јавуваат белгиските медиуми.
Оваа мерка се презема поради стравувањата дека тие беспилотни летала можат да се судираат со полициски хеликоптери, кои се ангажираат за следење на осомничени криминалци, како и за обезбедување на најделикатните меѓународни дипломатски средби.
Дроновите се користат на мали височини, каде вообичаено летаат и полициските хеликоптери. Ниту за хеликоптерите, ниту за дроновите не се применуваат планови на летање, што ја зголемува можноста да дојде до судар.