Од 5 до 8 септември, во паркот „Авионче“, општина Аеродром ќе се одржи првиот „AERO Street Food Festival“, настан кој ќе ги обедини уличните гастрономски брендови со урбана музичка програма и забавни активности за сите генерации, а влезот ќе биде бесплатен.
„Гастрономската понуда ќе опфати храна од 4 кујни, А-американска, Е-европска, Р-регионална и О-ориентална. Посетителите ќе можат да дегустираат богат избор на специјалитети – од интернационални улични вкусови до автентични традиционални јадења. А покрај тоа ќе имаат можност да уживаат во извонреден избор на пијалоци по екслузивно достапни цени“, се вели во соопштението.
Фестивалот ќе се одржува секој ден од 5 до 8 септември од 17:30 до 00:30 часот. Ќе настапуваат изведувачите „Рингтонс“, „Southpark“, „Breakdown band“, Гоце САФ, диџеј Александар Јорданов, диџеј Марко, диџеј Мицов, диџеј Shime, диџеј Моно, диџеј Foodieman, диџеј Гардијан и диџеј Fico.
Понудата ќе биде составена од над 12 познати брендови за храна, меѓу кои: „Jojo’s BBQ“, „Oljo’s“, „Fat Kitchen“, „Sorelle Focaccia“, „Lora’s Sushi“, „Bistro 64“, „15 за 12“, „Milkey“, „Destan“, „Smash Burger“, „La Pizza“, „Ноа Гирадико“ и други.
„Покрај музиката и храната, фестивалот ќе понуди и интерактивни предизвици за публиката, вклучувајќи натпревари во најбрзо јадење, квизови, трки и други интерактивни забавни активности со награди. Нашата цел е да создадеме настан кој ќе ги поврзе луѓето преку храната, музиката и заедничките моменти. ‘AERO Street Food Festival’ е локална приказна по светски стандарди и ќе биде празник на вкусови, звуци и позитивна енергија“, велат од организацијата на фестивалот.
Настанот ќе се реализира со поддршка од Општина Аеродром.
