Сè повеќе Европејци ги користат празниците и паметно го планираат годишниот одмор за да „украдат“ четири дена за патување, а новите истражувања покажуваат раст на кратките патувања од дури 34 проценти.
Сè повеќе Европејци го користат секој слободен ден за да го „продолжат“ викендот и да отпатуваат некаде на четири или помалку дена.
Според податоците на платформата Trip.com, бројот на кратки патувања во странство пораснал за 34 проценти во однос на минатата година.
Европа предничи во овој тренд. Во Италија бројот на вакви патувања е четирикратно зголемен, додека во Франција и Шпанија е повеќе од двојно зголемен во периодот од 1 јануари до 31 март оваа година.
Италија дополнително е во фокусот бидејќи е домаќин на Зимските олимписки игри, што дополнително го поттикнува туристичкиот промет.
Французите и Британците сè почесто избираат патувања во странство наместо одмор во сопствената земја. Дури 91 процент од патувањата на Французите и 89 проценти од патувањата на Британците се однесуваат на странски дестинации.
Шпанците се нешто поразлични – кај нив речиси 40 проценти од продолжените викенди отпаѓаат на домашни патувања.
Извор: EuroNews / Фото: Freepik / Видео: © Радио МОФ
