Центарот за управување со кризи (ЦУК) информира дека денеска, 20 јули, до 13 часот се евидентирани вкупно седум пожари на отворен простор, меѓу кои пет се активни, еден е под контрола и еден е изгаснат.
„Активни пожари се кај Општина Желино – с. Желино према Еребино, планина Жеден (нискостеблеста шума, грмушки и ниска вегетација); Општина Василево – с. Нивичино (нискостеблеста шума, смрека, грмушки и ниска вегетација); Општина Македонски Брод – с. Грешница (мешана шума и ниска вегетација); Општина Македонски Брод (реактивиран) – помеѓу с. Црешнево, с. Локвица и с. Крапа (деградирана дабова шума, грмушки и ниска вегетација); Општина Прилеп – помеѓу селата Царевиќ и Смолани (мешана шума и нискостеблеста вегетација)“, соопштува ЦУК.
Под контрола е пожарот во Општина Велес – кај селата Џидимирци, Крушје и Иванковци (мешана нискостеблеста деградирана шума).
Воедно, изгаснат е кај Општина Македонски Брод – с. Слатина, м.в. Стојанова Населба (смрека, сува трева и друга ниска вегетација).
