Патиштата кои водат кон Дошница се целосно блокирани и од страната на Кавадарци. Во Гевгелија сме распоредени на неколку клучни локации и блокираме сите патишта кои водат кон нашата река. На сите одговорни им порачуваме: Силата е во народот!, велат од иницијативата Changemakers4all, која заедно со повеќе иницијативи и граѓани од Македонија повеќе од две недели го греваат гласот, протестираат и го блокираат пристапот до Дошница, со цел да се спречи изградбата на хидроцентрали на реката.
Здружените граѓани велат дека нема да се тргнат, нема да попуштат, нема да отстапат сè додека не се поништи дозволата за уништување на Дошница, и не се повлечат сите машини од реката и планината Кожуф.
„Борбата продолжува – до конечна победа за животот и природата“, порачуваат граѓаните.
Здружените иницијативи вчера соопштија дека блокадите продолжуваат и отпорот расте се’ повеќе, a младите се движечка сила и останува одговорноста на нив што ќе се случува понатаму.
Истовремено, повикаа секој кој може и сака да им се придружи во движењето за заштита и спас на водите, планините и сите природни богатства во Македонија.
