Едрилица на мексиканската морнарица украсена со светла и огромно мексиканско знаме се удри во иконскиот Бруклински мост вчера вечер, при што загинаа две лица, а најмалку 19 беа повредени, изјави градоначалникот на Њујорк, Ерик Адамс, пренесува Ал Џазира Балканс.
Видеата на интернет го прикажуваат бродот за обука „Куаутемок“ како се приближува до иконскиот мост Ист Ривер што ги поврзува Менхетен со Бруклин. Неговите јарболи од 45 метри беа превисоки за да поминат под мостот и се скршија при ударот.
This whole Brooklyn Bridge and the Port Authority incident is beyond alarming.
Wonder how Sean Duffy is gonna explain this one away?
Blame it on Biden and Buttigieg?
— Art Candee 🍿🥤 (@ArtCandee) May 18, 2025
На палубата можеа да се видат голем број морски кадети облечени во бели униформи. Адамс рече дека во тој момент на бродот имало 277 лица. Тој додаде дека механички проблеми веројатно ја предизвикале несреќата, без да даде дополнителни детали.
На една од темелите на висечкиот мост, кој се наоѓа во близина на пристаништето Саут Стрит во Њујорк, едно видео објавено на интернет ги прикажува минувачите како трчаат од страв додека големиот едриличар удира во мостот и свртува кон пристаништето.
Мостот, популарна туристичка атракција и главна сообраќајна линија помеѓу Менхетен и Бруклин, бил завршен во 1883 година. Тогаш бил најголемиот висечки мост во светот.
Мостот не претрпел поголеми штети, изјави официјален претставник на градот Њујорк.
Сообраќајот е повторно воспоставен во двата правци по претходниот преглед.
Мексиканското Министерство за надворешни работи објави на социјалните мрежи дека мексиканскиот амбасадор во САД и други официјални лица им помагаат на погодените кадети и се во контакт со локалните власти.
Во моментот на судирот, бродот тргнувал од Њујорк и пловел кон Исланд, изјавил официјален претставник на полицијата во Њујорк.
