Новата варијација на коронавирусот веќе е откриена во осум европски држави, информираше регионалниот директор за Европа на Светската здравствена организација (СЗО), Ханс Клуге.
Според него, новата мутација на вирусот, за разлика од претходната, се шири и помеѓу младата популација. Клуге повика на претпазливост додека се прават истражувања за новиот сој, како и засилување на досегашните заштитни мерки како што се физичката дистанца и носењето маски.
8 countries in the @WHO_Europe region have now identified the new #COVID19 variant VOC-202012/01. It is vital to strengthen existing protective measures: distancing/masks/staying in core support bubbles. @WHO is continuing to monitor & will provide updates👉 #solidarity is key
— Hans Kluge (@hans_kluge) December 25, 2020
Новата мутација беше откриена во Велика Британија на 14 ноември, а после тоа е евидентиран и во Австралија, Исланд, Италија, Холандија и Данска. Вчера беше потврден и првиот случај на зараза со новиот сој на вирусот во Франција.
СЗО минатава недела соопшти дека уште нема доволно информации за тоа дали новиот сој ќе има влијание на ефикасноста на вакцините, и информираа дека во тек се истражувања.