Министерството за здравство (МЗ) денеска информираше дека во последните 24 часа се потврдени 1.120 нови случаи на Ковид-19, односно, регистрирани се 507 случаи во Скопје, 60 во Куманово, 56 во Гостивар, 52 во Прилеп, 49 во Охрид, 43 во Струмица, 37 во Тетово, 36 во Битола, 35 во Струга, 33 во Кавадарци, 31 во Велес и 30 во Штип.
Потоа, регистрирани се 25 случаи во Делчево, по 16 во Кочани, Кичево и Неготино, 15 во Берово, десет во Радовиш, по осум во Гевгелија и Ресен, седум во Виница, по шест во Крива Паланка и Пехчево, пет во Валандово, четири во Свети Николе, три во Крушево, по два во Пробиштип и Кратово и по еден случај е регистриран во Демир Хисар и Македонски Брод.
Од МЗ соопштија дека од Ковид-19 починале 28 лица, односно, седум лица од Скопје на 74, 63, 83, 69, 79, 82 и 72 години, еден од Куманово на 71 година, еден од Штип на 81 година, пет од Прилеп на 66, 80, 61, 76 и 55 години, еден од Струга на 77 години, двајца од Велес на 72 и 75 години, еден од Битола на 45 години и еден од Охрид на 77 години.
Од Ковид-19 починал и еден пациент од Кавадарци на 71 година, двајца од Гостивар на 51 и 49 години, еден од Гевгелија на 72 години, двајца од Струмица на 56 и 80 години, еден од Делчево на 65 години, еден од Ресен на 53 години и еден од Демир Капија на 68 години.
Институтот за јавно здравје регистрирал 916 оздравени пациенти, односно, од Скопје-263, Куманово-52, Дебар-4, Штип-42, Прилеп-61, Тетово-35, Струга-29, Велес-41, Битола-79, Охрид-36, Кавадарци-24, Гостивар-62, Гевгелија-15, Струмица-24, Крива Паланка-12, Радовиш-8, Крушево-1, Кочани-12, Пробиштип-5, Демир Хисар-2, Пехчево-3, Берово-10, Валандово-3, Виница-10, Кратово-2, Свети Николе-14, Кичево-39, Ресен-2 и од Неготино-26.
„Вкупната бројка на ковид дијагностицирани во нашата земја од почетокот на епидемијата изнесува 69452, бројката на оздравени пациенти е 45621, на починати е 1977, а бројот на активни случаи изнесува 21854“, стои во соопштението на МЗ.
Досега во земјава се направени вкупно 352.735 тестирања на Ковид-19, а во изминатото деноноќие се направени 2.993 тестови.