Иако светот забрзано се урбанизира, УНЕСКО се обидува да ги зачува недопрените делови на природата и културните споменици од минатото. СиЕнЕн веќе објави кои се најубавите места на планетата заштитени од оваа организација, а Радио Моф пренесува десет од нив.
10. Мачу Пикчу, Перу. Изградена е од Инките во 15 век, но успева да опстои и покрај разорните напади на шпанските освојувачи.
9. Национален парк Лос Гласиарес, Аргентина . Националниот парк сe наоѓа е заштитен од УНЕСКО како споменик на светското природно наследство и ова е едно од најдобрите места на планетата за следење на глечерската активност. Глечерите тука се на помала височина (1.500 метри) над морското ниво и затоа се лесно достапни. Во паркот има и две огромни езера. Едното е Лаго Аргентина, долго 160 километри.
8. Национален парк Игуасу, Бразил и Аргентина. Најголемата атракција овде се водопадите, формирани пред 120 милиони години. Во зависност од состојбата на водната маса во реката, бројот на водопадите се движи од 150 до 300, а нивната висина е меѓу 40 и 82 метри.
7. Хампи, Индија. Остатоците од древниот град денес се живеалишта за мајмуните. Местото е мешавина од градби кои се среќаваат во древниот Рим, античка Грција, Мачу Пикчи и Индија.
6. Големиот корален гребен, Австралија. Тоа е најголемиот корален систем во светот, составен од 3 500 корални гребен и 900 острови. Должината на гребенот е 2 500 км. Тука живеат 15 000 видови риби.
5. Национален парк Гореме, Турција. Оваа долината и целата околина се одликуваат со извонредни пејзажи кои се оформени низ процесите на ерозија. Објектот има повеќе светилишта врежани во карпите и уникатни споменици на византиската уметност.
4. Острови Галапагос, Еквадор. Островите Галапагос се архипелаг во Тихиот Океан, кој се наоѓа на 965 километри западно од Еквадор. Се состои од 13 основни вулкански острови, 6 помали островот и многу карпи. Се смета дека првиот остров овде настанал пред 5 – 10 милиони години како резултат на тектонски активности.
3. Баган, Мјанмар. Се наоѓа во сушните делови на земјата, на источниот брег на реката Иравади. Денес на местото на античкиот град се наоѓа археолошка зона со илјадници храмови и манастири.
2. Акропол, Грција. Датира уште од Микенската ера. Главниот храм е Партенонот, кој е една од најпрепознатливите згради во светот.
1. Анкгор, Камбоџа. За ова место се вели дека е најголем верски споменик во светот. Секоја година храмовите тука се посетуваат од 80 000 – 200 000 туристи.
Извор СиЕнЕн