10 говорници, 4 практични работилници, 2 дена, 1 мотивациска сцена и повеќе од 200 млади кои го чувствуваат мотивацискиот пулс ќе бидат дел од шестото издание на Мотивациски викенд кој го организира Здружението на граѓани Младите можат.
Оваа година, шестти пат по ред, 8-ми и 9-ти ноември ќе бидат резервирани за Мотивациски викенд 6 кој ќе се одржува во салата „Империјал“ во Македонска опера и балет.
„Целта на Мотивациски викенд е да ги мотивираме младите да работат на себе, на приватен и професионален план, преку говорите на успешни луѓе кои ја споделуваат својата приказна за досегашните успеси и падови и преку учеството во работилници за личен и професионален развој“, најавуваат организаторите.
На мотивациската сцена, оваа година ќе говорат:
– Петар Лазаров -ко-сопственик на Македонија експорт, автор на книгата Tip of the week
– Антонио Кузмановски – сопственик на Вебглајдерс, основач на When in X и When in Krusevo
– Аријана Коскарова – Форбс 30 под 30, 2019 год, ко-основач Creative Hub Скопје, Приштина и Тирана
– Александра Пановска Илиевска – медумско лице на Сител ТВ веќе 5 сезони, радио водител и менаџер
– Блаже Јосифовски – Претседател на “Ајде Македонија”
– Проф. Д-р Владимир Трајковиќ – професор на ФИНКИ, ко-основач на Seavus
– Проф. д-р Каролина Ристова – Астеруд, Правен факултет “ Јустинијан Први “, УКИМ
– Блаже Аризанов – меѓународен претприемач, автор
– Коста Караманолев – основач на Бербер и бар – Вторник
– Никола Ристановски – македонски театарски, филмски и телевизиски глумец
Четирите работилници пак кои присутните млади ќе имаат можност да ги посетат се на теми:
– Design thinking – со Иван Зографски од Solveo
– Основи на блогирање – со Ива Дујак од Brand Union
– CV кое ќе те вработи – со Фросина Полазаревска од Brainster
– Техники за јавно говорење – со Ана Јовковска