Турскиот претседател Реџеп Таип Ердоган прогласи победа во првиот круг од претседателските избори на кои освои нов мандат, но овојпат со извршни овластувања.
„Нацијата ми довери одговорност за претседавање и извршни должности“, изјави 64-годишниот Ердоган во говор од Истанбул што го пренесуваше државната телевизија.
„Се надевам никој нема да се обиде да фрли сенка на резултатите и да и наштети на демократијата за да го сокрие својот неуспех“, изјави Ердоган, кој освои 62,5 отсто гласови, додека противкандидат од опозицијата Мухарем Инџе – 31 отсто гласови.
На денот на изборите, „Викиликс“ на социјалните мрежи објави карикатура од TheGlobePost, со која напиша: „Турција има повеќе новинари во затвор од која било друга држава. Викиликс беше забранет во Турција по објавувањето на е-мејловите на владејачката партија АКП и зетот на Ердоган“.
