Поетската книга „Ин Номине“ (In Nomine) од Стефан Марковски ќе биде промовирана на 17 март (петок), во 13 часот, во хотел „Аполонија“ во Гевгелија. Збирката е дел од едицијата „Ѓерѓеф“ на издавачката куќа „Македонска реч“ од Скопје и вклучува четириесет и една песна.
Третата Марковски, ќе биде промовирана од Ефтим Клетников, кој е и нејзин рецензентот. За „In Nomine“ тој во својот осврт забележува: „Во ’Ин Номине‘ Стефан Марковски не ја следи главната поетичка структура на неговата генерација, во која доминира иронијата како основна стилска фигура и светоглед на реалноста. Напротив, тој е склон кон чисто лирскиот асоцијативен тип поезија“.
Поетот е, вели Клетников, аргонаут кој пребарува низ своето битие и во неговите длабочини го бара златното руно на своето јаство. Тоа се неговите сугестивни стихови, кои ни откриваат еден навистина оригинален и драгоцен поет во современата македонска поезија.
Марковски во декември минатата година ја објави и промовираше својата четврта поетска збирка насловена „Сиво сјаат вселените“, со која е добитник на наградата „Бели мугри“ на Домот на култура „Кочо Рацин“ за необјавена поетска книга од автор до 35-годишна возраст.