Скриен код овозможува да играте шах на Facebook Messenger

Facebook има скриена, сосема функционална графичка игра – шах, „вткаена“ во Messenger апликацијата, која секој корисник може да ја игра.

За да започнете партија шах, отворете разговор на Messenger со некој и само напишете @fbchess play. Се појавува шаховска табла и играта веднаш започнува.

За жал, фигурите не се мрдаат со движење по екранот, туку треба да испраќате текстуални команди преку пораки. На пример, за да го поместите пионот од стартната позиција, може да напишете @fbchess Pb4.

Има и можност да го повлечете потегот (@fbchess undo) или да се откажете (@fbchess resign).

За да ги дознаете сите команди, напишете @fbchess help.

Оваа скриена опција на Messenger не беше рекламирана ниту претставена никаде, но неодамна била претставена од корисник на Reddit.

Извор: Mashable