Повикот на претседателот Реџеп Таип Ердоган го послушаа голем број на луѓе, кои се веќе на улиците низ Истанбул и Анкара, спротивставувајќи се на воениот удар што започна вечерва.
Дел од нив извикуваат „Рамо до рамо, против државниот удар“.
People gathering, chanting “Shoulder to shoulder against the coup” #Turkey pic.twitter.com/BBx8sGRLeC
— Wim Luyckx (@WimLuyckx) July 15, 2016
Во обид да се спротивстават на војниците кои изразија непослушност кон Ердоган, дел од демонстрантите ги блокираа тенковите. Според локалните медиуми, неколку тенкови го блокираат турскиот Парламент, а се слушнале и неколку истрели и експлозии во центарот на Истанбул.
Livestream. People standing on tanks #turkeyhttps://t.co/7OM56J42mS
— Roman Helinski (@r_helinski) July 15, 2016
Ердоган преку Скајп ги повика граѓаните да излезат на улица и да се спротивстават на како што го нарече „нелегалниот чин“ против државата. Тој рече дека станува збор за мала воена група и за неа ќе следи висока казна.
Воениот удар започна во 21 часот, по локално време, откако авиони и хеликоптери прелетуваа над главниот турски град Анкара и беа блокирани двата најголеми мостови во Истанбул.
Воената група упадна и во државната телевизија, каде ја натераа спикерката на вестите да го прочита нивното соопштение во кое се вели дека државниот удар е успешен и дека армијата ја презеде државата. Тие велат дека државниот удар е со цел да се вратат уставниот ред, човековите права и слободи, владеењето на правото и националната безбедност, за кои сметаат дека се оштетени од страна на Ердоган.
Според локалните медиуми, шефот на турските вооружени сили генералот Хулуси Акар е под заложништво во Генералштабот.
Новинската агенција Скај њуз обезбеди видеострим од случувањата во Анкара и Истанбул.