Црвен крст повикува на помош за поплавените области

Црвениот крст на Република Македонија започна хуманитарна акција која од денеска ќе трае до 15-ти февруари при што граѓаните можат да донираат во санирањето на последиците од поплавите.

Поројните врнежи од дожд и зголемениот водостој на реките во земјата, предизвикаа поплави на населени места и плодни површини во неколку региони.

Според направената проценка, во моментот има потреба од помош во вода за пиење и средства за хигиена (средства за дезинфекција). Компаниите својата донација можат да ја предадат во Скопје во магацинот на Црвениот крст на РМ во Момин Поток, со адреса ул.Момин Поток бб, телефон за контакт: 3114 – 355).

Заинтересираните правни субјекти и граѓани дополнително можат да се вклучат и со обезбедување на парична помош:

– Жиро сметка на Фонд на солидарност 300000001327966 ДБ 4030984271620 – Комерцијална банка
– Донирање на 100 денари со повик на телефоните: 075/070/077 143 400

Во овој момент се наметнува потреба за обезбедување на дополнителни количина на вода за пиење за населението во Струмица, Чешиново-Облешево, Штип, како и во други подрачја кои поради излевање на реките водата не е за пиење.