Пластичните кеси нема да бидат бесплатни и ќе се продаваат најмалку за 10 денари, велат во видеото од Институтот за комуникациски студии. Во разговор со новинарот Горан Теменуфо, Филип Ивановски, претставник од Стопанската комора и професорката Александра Бужаровска од Технолошкиот факултет, ги коментираат промените кои ќе ги повлечат измените на неколкуте закони за управување за отпад во кој се допрецизира производството и дистрибуцијата на кесите за пазарење, што треба да стапат на сила догодина. Во Македонија годишно се употребуваат над 150 милиони кеси, а тоа се близу 2.000 тони пластика која најтешко се собира и останува на почвата како микропластика. Професорите укажуваат дека треба да се внимава што ни се продава како биоразградлива кеса, бидејќи кај нас како такви се декларираат и тие кои не се.