Утре на Факултетот за информатички науки и компјутерско инженерство ќе се одржуваат нови студентски избори на кои ќе се бираат претседател и девет членови на факултетското студентско собрание.
Изборната комисија ја сочинуваат вонредниот професор Мирослав Мирчев како нејзин претседател, доцентот Петре Ламески како член, како и тројца студенти предложени од ФСС ФИНКИ.
„За претседател на Факултетското студентско собрание може да биде избран редовен студент на Факултетот со положени задолжителни предмети заклучно со предметите од трет семестар, да има повеќе од 90 ЕКТС и не му е изречена дисциплинска мерка од страна на дисциплинската комисија на Факултетот“, се вели во одлуката на деканатот на ФИНКИ.
Изборите ќе се одржат онлајн во периодот од 10-12 часот преку веб-платформата izbori.finki.ukim.mk.
Емилија Петреска