Молхем Баракат, осумнаесетгодишниот сириски фотограф на 20 декември 2013 година беше убиен во битката за контрола на една од болниците во Алепо, Сирија. Смртта на тинејџерот кој уште од мај фотографираше со опрема обезбедена од Ројтерс, покрена многу непријатни прашања за светски познатата агенција.
Баракат имаше непречен пристап кај бунтовниците и направи одлични фотографии. Со својот брат во локалната бунтовничка бригада, тој беше сведок на најстрашните случувања во текот на битките на бунтовниците. Тој беше идентификуван и како учесник во револуцијата.
Многу од војниците што ги фотографираше се помлади од него, некои на возраст и од само 11 години. Сите тие се деца без детство, жртви на една страшно и брутална војна. Фотографиите на Баракат го обиколија целиот свет, а Бизнис инсајдер направи селекција од најмоќните од нив.
