EducationUSA и амбасадата на САД во Македонија на 25 април (сабота) во Скопје ќе организираат Саем за високо образование во САД.
Во рамките на патувачкиот саем, претставници на угледни американски колеџи и универзитети ќе ги посетат Љубљана, Загреб, Сараево, Белград и Скопје како дел од Југоисточната EducationUSA тура која се организира по вторпат, по огромниот успех во 2014 кога таа привлече над 2000 посетители.
Претставниците на високообразовните институции кои ќе се претстават на Саемот во Скопје ќе одговараат на вашите прашања за нивните академски програми за додипломски и постдипломски студии, како и за можностите за стипендии и финансиска помош.
Саемот ќе се одржи во галеријата на Младинскиот културен центар во Скопје од 17:00 до 20:00 часот. Учеството на саемот е бесплатно, но потребна е регистрација, поради понатамошна комуникација со потенцијалните студенти, како и за увид за бројот и интересите на заинтересираните посетители.
Досега потврдените учесници на саемот во Скопје ги вклучуваат:
American University in Bulgaria: www.aubg.edu
Bentley University: www.bentley.edu/graduate
Fairleigh Dickinson University: www.fdu.edu/global
Foothill and De Anza Colleges: www.international.fhda.edu
John Cabot University: www.johncabot.edu
La Roche College: www.laroche.edu
Minerva Schools at KGI: www.minerva.kgi.edu
New York Film Academy: www.nyfa.edu
Saint Mary’s University of Minnesota: www.smumn.edu
Shoreline Community College: www.shoreline.edu/international
University of Arizona: www.admissions.arizona.edu/international
Webster Vienna Private University: www.webster.ac.at
West Virginia University: www.wvu.edu
Повеќе информации за институциите можете да најдете овде.
EducationUSA претставува мрежа на повеќе од 400 центри за советување во 170 држави во светот, поддржани од Бирото за образование и култура на Стејт департментот на САД, чија цел е поттикнување на меѓусебно разбирање помеѓу граѓаните на САД и граѓаните на другите држави.