RZA од Wu-Tang Clan ќе режира филм, Azealia Banks во главната улога

Рап ѕвездата Azealia Banks ќе ја игра главната улога во претстојниот филм за рапот „Коко“, кој ќе го режира членот на Wu-Tang Clan, RZA.

Banks ќе се појави во улога на Коко, надежна млада раперка што паузира со своите музички амбиции за да заврши факултет и да им помогне на своите родители. Додека студира, Коко ја иткрива вистинската моќ на пишаниот збор, а тоа и помага како текстописец и хип хоп артист.

Ви филмот уште ќе се појават и: раперот Common, пејачката Jill Scott, британскиот актер Lucien Laviscount, Lorraine Toussaint од серијата „Orange Is The New Black“ и Hana Mae Lee од филмот „Pitch Perfect“. Снимањето на „Коко“, кое ќе се одвива во Бруклин, ќе започне во скоро време, пишуваат американските медиуми.

Ова ќе биде прва главна филмска улога на Azaelia Banks, која дебитираше на големото платно со кусо појавување во филмот „The Man With The Iron Fists“ во 2012, заедно со Russell Crowe, Lucy Liu и раперот RZA.