Светската премиера на театарската претстава „Црнила ремикс“ ќе биде дел од годинешното издание на фестивалот „Здраво млади“ кој ќе се одржи на 1 септември во МКЦ Скопје.
„Црнила ремикс“ е едно поразлично видување на класичното драмско дело на Коле Чашуле ставено во контекст на урбан хип-хоп албум. Музичко драмски перформанс со несекојдневен пристап, со специфична актерска изведба, кој низ оригиналните препев и музика на „Зад Аголот“ не носи во еден нов сублимат помеѓу драмата и хип-хоп субкултурата.
Зад идејата и режисерската палка стои Јордан Симонов, а зад музиката и препевот Дарко Димитриески и Павле Димковски („Зад Аголот“). Улогите ги толкуваат Стефан Вујисиќ, Александар Михајловски Хонда, Владимир Петровиќ, Горан Ников, Ненад Анѓелковиќ, Сања Арсовска и Павле Димковски.
Асистент на режија: Виктор Рубен
Сценограф и костимограф: Илина Ангеловска
Видео: Милан Блажевски
Дизајнер на тон: Симон Кипровски
Дизајнер на светло: Илија Тарчуловски
Графички дизајн: Бисера Михајловска
Фото: Кире Галевски
Билетите за фестивалот Здраво Млади се во продажба преку продажната мрежа на МК Тикетс и на Билетарница МКЦ за од 600 денари, а на фестивалскиот ден ќе чинат 800 денари.
На годинешното издание на Здраво Млади ќе имате можност да ги видете и слушнете следните изведувачи:
Cigarettes After Sex (САД), Wooden Shjips (САД), Repetitor (Србија), Blanck Mass (Англија), Flohio (Англија)
Palindrom (Македонија), Eric Copeland (САД), DJ Fitz (Р.Ирска), Donplaya X Bon Praskiza (Македонија), Druggy (Македонија), Ogie x Petr (Македонија).
Годинава има и јуниор програма во 12:00, со 5+ Бенд.