„Посветив премногу часови и неспиени ноќи за да стигнам каде што сум“

Марко Лазов е уметник што изработува 3Д карактери за ААА гејминг индустријата.

Со 3Д уметноста започнал пред три години кога се запишал на M3DS академијата. Ова за него било одличен почеток, успевајќи да биде студент на годината во својата генерација.

„Продолжив да напредувам и надвор од академијата и решив да се фокусирам на моето портфолио на кое посветив премногу часови и неспиени ноќи за да стигнам до каде што сум во моментов“, се потсетува Лазов.

Но, неговите почетоци со цртањето се од мали нозе.

„Ми текнува дека уште како мал сите сакаа нови играчки, но јас секогаш бев заинтересиран за нови фломастери, боици…“, вели тој за Радио МОФ.

Светски артисти кои досега му послужиле како инспирација се: Рафаел Грасети, Карл Копински, Родион Власов, Ерик Лакомб, Стивен Оукли, Боби Ребхолц, но најмногу од Џан Лоренцо Бернини.

„Во сегашниов свет за мене е многу лесно да се најде инспирација за кое било дело, бидејќи опкружени сме со толку прекрасни артисти на интернетот каде што може да видиш дури една слика и да имаш инспирација да креираш нешто твое“, забележува тој.

Лазов е уште еден уметник кој се приклучува на нашата иницијатива #ИнстаИлустрации. Во продолжение, погледнете дел од неговите дизајни:

View this post on Instagram

A post shared by Marko Lazov (@_markolazov_3d)

МОЖЕ ЌЕ ВЕ ИНТЕРЕСИРА