Легендарната рокенрол пејачка Тина Тарнер почина вчера на 84-годишна возраст.
„Погребот ќе биде во приватност, со блиски пријатели и семејството. Бараме да ја почитувате приватноста на нејзиното семејство во овој тежок момент“, рече портпаролката Тина Тарнер во изјавата.
Пејачката почина по долго боледување во нејзиниот дом во близина на Цирих, Швајцарија, изјави портпаролката.
Тарнер е родена како Ана Меј Булок на 26 ноември 1939 година во Натбуш, Тенеси, САД. Таа се прослави во 60-тите години, прво во бендот со Ајк Тарнер, а потоа како соло изведувачка.
Тарнер продаде повеќе од 100 милиони плочи ширум светот и освои осум Греми-награди. Имаше бројни хитови, како „What’s Love Got To Do With it“, „Private Dancer“ и „The Best“.
