Перформанс и предавање на Ваџинал Дејвис вечерва во Кино Милениум

Во рамки на Скопје викенд на гордоста (Skopje Pride Weekend 2016), вечерва во Кино Милениум, со почеток од 21 часот, ќе се одржи перформанс/предавање на Ваџинал Дејвис.

Изведбата-предавање е насловена „Сасафрас, Сајпрес и Индиго блек скрин имиџис и (е)мотивниот поим на фрикството“. Ваџинал Дејвис е меѓународно почитувана интерсексуална доајенка на интермедиумските уметности и науки. Иницијаторка е и на хомо-кор панкерското движење и родово-квир уметничка и музичка икона. Нејзините концептуални бендови, меѓу кои се и Pedro Muriel и Esther, Cholita! The Female Menudo и The Afro Sisters оставија трајно влијание врз развојот на андерграунд музиката.

Дејвис доследно одбива да ја ублажи конзервативната тактика во геј и црнечката политика преку панк музиката, измислени биографии, навреди, самоисмејување и постојан поттик на групен сексуален револт – сето тоа на прилично смешен и деструктивен начин, опишува настанот.