Во отворено писмо упатено до Ректорот на Универзитетот Кирил и Методиј, проф. д-р Велимир Стојковски, Професорскиот пленум повикува на свикување на јавна седница на Сенатот.
„Почитуван Ректоре Стојковски,
Бараме свикување итна, вонредна ЈАВНА седница на Сенатот, најдоцна до среда 23.12.2015, со присуство на претставници на Студентскиот пленум, M.O. „МУГРА“, Професорскиот пленум и медиумите, со следните точки на Дневен ред:
Дали имало и кој ја издал дозволата за сечење дрвја во паркот на Универзитетот, во доцните ноќни часови;
Дали имало официјален повик и кој го издал повикот специјалната полиција да влезе на територијата на Универзитетот, во понеделникот на 14.12.2015 година;
Информација за процедурата и правната основа за започнатите градежни активности во рамките на Кампусот за општествено-хуманистички науки.
Сметаме дека Ваша должност и одговорност е да превземете активности во насока на решавање на конфликтната ситуација на Универзитетот Св. Кирил и Методиј.
Професорски пленум“