Наутилус Конструкт е нова јавна сцена во Скопје, поставена на кејот на Вардар, пред Младинскиот културен центар.
Сцената беше создаден од група на студенти, архитекти, граѓани, занаетчии и уметници во период од три недели, во јули 2015 година во Скопје. Проектот беше реализиран од страна на невладината организација City Creative Network (CCN) Скопје и TEN од Цирих, заедно со најразлични поединци, групи и ентитети.
Ментори на проектот се Дамјан Кокалевски и Берит Саидел од катедрата на професорот Филип Уршпрунг од ETH Zurich, додека ко-ментори се Милан Диневски и Немања Зимоњиќ.
Предвидено е сцената да биде домаќин на театарски претстави, музички настапи и јавни собири од секаков вид – пред сè место за независна култура.
„NAUTILUS KONSTRUKT е интернационален колаборативен и активистички проект кој потсетува на духот на времето по земјотресот во Скопје (1963) – отворен, космополитски и прогресивен град. Сцената претставува целосен контраст на неодамнешното менување на градот со опсежниот владин проект наречен „Скопје 2014“ и е водилка за слободен уметнички израз кој го отелотворува активниот граѓанин“, велат луѓето вклучени во проектот.
Организаторите објавија и програма богата со разни настани за овој викенд:
18-ти септември, петок
19:00h
SCH Презентација на книга + ACT4CITY дебата
(Милан Диневски & Дамјан Кокалевски – CCN, Скопје/Љубљана/Цирих)
Книгата SKOPJE CREATIVE HUB 2014: new content in public space е резиме и концептуален водич низ проектите, дискусиите и јавните програми, кои беа развиени и реализирани за времетраењето на десетте денови на SCH2014. Книгата ги открива заклучоците, предлозите и позадината на проектот, заедно со комплексниот контекст и специфичности на урбаното Скопје. Пред се, книгата го презентира нашиот кураторски пристап и аспект во процесот на планирање и реализирање на SKOPJE CREATIVE HUB 2014.
Најава и почеток на проектот ACT4CITY, кој е наша соработка со три регионални партнери: Експедицио, Котор; Министарство простора, Белград; Арт радионица Лазарети, Дубровник. Овој проект е поддржан од Балкански фонд за уметност и култура (БАК). Проектот има за цел да ги вклучи и анимира независните културни продукции како важен субјект кон остварување на одржлив културен развој, а воедно и одржливи балкански градови.
20:00h
„Епицентар” Аудио/Визуелен перформанс
(Кристина Пулејкова & KNNT, Лондон/Скопје)
Пред се ова дело го третира терминот Епицентар истовремено од сеизмолошки и метафоричен аспект, истражувајќи го градот како околина која е во постојано геолошко и социјално движење. Во овој контекст, сцената се третира како културен епицентар кој има капацитет да ја “потресе земјата” под сегашната егoцентрична културна сфера во градот и да отвори нов простор за млади уметници кои работат во разни креативни дисциплини. Земајки ја сеизмографската база на податоци и сет на архитектонски објекти, Епицентар ги реинтерпретира и трансформира овие два параметри и ги претвора во моќно аудио-визуелно дело кое предлага ново гео-урбано читање кое е специфично за Скопје.
21:00h
ДЈ Сет Galatheia + Гиф Арт Никола Радуловиќ (Скопје)
Галатеа е млада, талентирана музичка продуцентка која се карактеризира со предаторска музичка елегантност. Заедно со визуалниот уметник Никола Радуловиќ и неговиот гиф арт ќе внесат свежина и нов бран креативност во скопското урбано случување.
19-ти септември, сабота
19:00h
„СК2014″ Проекција на филм + видео обракање на режисерката
(Кумјана Новакова, Емилио Гуера Делгадо, Гилермо Карерас Канди – БиХ/Kосово/Македонија/
СК2014 е естетски портрет на големата реизградба на Скопје кој беше лансиран во 2010 од страна на владата на Р. Македонија, попознат како “Скопје 2014”. Целта на овој проект е стилски и целосно да го промени урбаниот карактер на градот од социјалистичко-модерен во барокен и неокласичен стил.
20:00h
„Колмар & Страсбург” Проекција на филм + разговор со уметникот
(gta Exhibiton & Каспар Мулер, Цирих/Берлин)
Си била еднаш една шапка. Висока шапка, изкроена од парчиња виолетов текстил, црно и колоритно кадифе, не толку различна од онаа на Мед Хетер во Алиса во земјата на Чудата (1865) на Луис Карол. Мекоста на шапката се приближува на оние карикатурни шапки кои ги носат некои спортски фанови. Шапката е направена од мајката на уметникот Каспар Мулер, и се појавува во неговиот филм Колмар & Стразбур (2010), на главата на еден човек кој се движи и ги открива овие два градови, пешачејки или на туристички брод.
21:00h
„Етида” Импро сесија на студенти на ФМУ
Учество на студенти од ФМУ, Катедра за балетска педагогија, отсек современ танц. Учествуваат Сандра Неделковска и Бојана Додевска од класата на професор Искра Шукарева.
21:45h
„ДВА” Аудио/Визуелен/Денс перформанс
(Александар Гроздановски, Александра Петрушевска, Битола/Берлин)
Обид да се опфати, што е можно попрецизно, оној момент кога дефинираното НЕШТО се руши, парче-по-парче, и наеднаш се трансформира во нешто безформно, нешто ново. Се дистанцира од тоа што било претходно. Се менува.
22:30h
ДЈ Сет Herzel (Битола/Берлин)
Herzel (Александар Гроздановски) е електронски музички артист кој живее меѓу два града, Битола и Берлин. Познат е по неговиот уникатен музички израз кој претставува фузија на модерни трендови во електронската музика.
20-ти септември, недела
19:00h
„Иницијативи”
(Излез + Архитектонски факултет + City Creative Network – CCN, Скопје)
Панел дискусија на тема студентските простори во градот и работилница за урбано хаику со Зориа Петкоска.
Излез ги поттикнува студентите да размислуваат критички и да бараат креативни начини за изразување на своето мислење, ги информира и го поддржува нивниот личен развој и ги организира за да дадат придонес кон позитивни промени во високото образование во Македонија.
Изложба на студентите од Aрхитектонски факултет, Универзитет Св. Кирил и Методиј, Скопје Учење архитектура / Архитектонски представи”, Архитектонско студио 7 и Интегративно студио 2013/2014
*City Creative Network (CCN), изложба на фотографии на Ана Лазаревска од градењето на НАУТИЛУС КОНСТРУКТ, Јули/Август 2015.
20:10h
ЏУН Музички концерт (Скопје)
Суштината на ЏУН е ентузијастичкиот дух на тројца инженери кои се лудо вљубени во музика. Бендот, со свежина во мешањето на музичките стилови како инди поп, американа и доза на акустичен кантри поп остава значителн белег на македонската музичка сцена.
21:30h
Ghettoblast: ДЈ Сет Балтроник + ВЈ Сет Доротеј (Скопје)
Музичката селекција која црпи инспирација од деведесетите кога ‘idm’ правецот доаѓа на сцена, но може да се слушнат и свежи траки извадени од албумски изданија кои се излезени 2010/2015. Искршениот ритам и чилаут атмосферите одговараат на селекцијата од проекциите на различни аудио-визуелни однесувања кои прикажуваат користење на звук и светло.