Во изминатите 24 часа регистрирани се 46 нови случаи на коронавирус во државава, односно по градови, 13 случаи се регистрирани во Куманово, 12 во Скопје, осум во Прилеп и Велес, два случаи во Струга и по еден случај во Тетово, Кочани и Пробиштип, информираат од Министерството за здравство (МЗ).
Со ова, вкупната бројка на пациенти дијагностицирани со Ковид-19 се искачи на 663 лица.
„Во изминатото деноноќие направени се 341 теста. Од нив преку Институтот за јавно здравје -194, преку Ветеринарен факултет –8, Авицена –19 , Биотек –24 и Фипил Втори (Жан Митрев) –96. Досега во земјата се направени 6.571 тестирања на Ковид-19“, информираат од МЗ.
Во текот на вчерашниот ден почина 27-годишна родилка од Куманово, која на 30 март на Клиниката за гинекологија и акушерство во Скопје роди недоносено машко новороденче кое е негативно на вирусот. Од МЗ информираат дека таа ќе биде евидентирана во денешниот извештај на Институтот за јавно здравје.
Според местото на живеење, досега случаи на Ковид-19 се регистрирани во Скопје – 273, Куманово – 143, Дебар – 49, Прилеп – 46, 30 случаи во Тетово и Струга, Штип – 20, Кочани – 19, Велес – 18, Битола – 8, четири случаи во Гостивар, Гевгелија и Радовиш, по три случаи во Кавадарци, Крива Паланка, Крушево и Охрид, два случаи во Струмица и еден случај во Пробиштип.