Нов сингл на бендот Station: Innermost

Македонскиот прогресивен рок бенд Station: Innermost го промовираше својот нов сингл и видео запис, со наслов „The Light”.

„The Light” е песна чија тематика се осврнува кон пронаоѓање на светлината која секој човек ја носи во себе и која е главен двигател на сечиј живот. Музиката и аранжманот се на Station: Innermost, текстот го напиша Наташа Миха, а продуцент е Дамир Пух.

Видео записот е дело на Горан Томиќ, додека за камера беше задолжен Александар Ризински.

Промоцијата на спотот се случи на 23-ти јануари, во клуб Маракана, каде Station: Innermost  направија и свирачка промоција на целиот авторски материјал.