Шкотска би требало да одржи референдум за независност пред да заврши мандатот на сегашниот состав на шкотскиот парламент во мај 2021 и ќе подготви закони за спроведување на референдумот, изјави шкотската премиерка Никола Стурџон.
„Изборот меѓу брегзитот и иднината на Шкотска како независна европска нација би требало да биде понуден за време на составот на овој парламент“, кажа Стурџон, а пренесува Ројтерс.
Нацрт закон ќе биде составен пред крајот на 2019 година за да се одржи референдумот, додаде премиерката.
Шкотска е дел од Обединетото Кралство веќе 300 години и ја отфрли независноста со 10 отсто на референдумот во 2014 година. Разликите во однос на брегзитот ги оптоварија односите во Британија.
Шкотска и Северна Ирска гласаа да останат во ЕУ на референдумот во 2016 година, додека Велс и Англија гласаа за заминување.