На небото над Европа само 27 авиони, најголеми загуби ќе претрпат компаниите кои нудат евтини летови

Претходната година, на вчерашен ден, 700 авиони летаа над Европа во исто време, а вчера тој број изнесуваше само 27, пренесува босански „Аваз“.

Бројни авиокомпании за време на коронавирусот пропаднаа, практично, сите авиони беа приземјени, а најголеми загуби ќе претрпат компаниите кои нудат евтини летови.

Фотографијата која ја објави „Flightradar24.com“ го опишува размерот на економската катастрофа која ги погоди нискобуџетните компани како „easyJet“, „Jet2“, „Norwegian“, „Pegasus“, „Ryanair“, „Transavia“, „Vueling“, и „Wizz Air“.

Имено, тие објавија визуелизација на сите авиони на овие компании на 11 јуни 2019 година кои летале над Европа. На тој ден во 15 часот, на европското небо имало 704 нивни авиони. Вчера, пак, една година подоцна, повторно во 15 часот, над Европа имало само 27 од нивните авиони.