Македонија се најде на 66 место на листата од 168 држави во светот според Индексот на корупција за 2015 година, објавен од Транспаренси Интернешнл.
Најдобро позиционирана од земјите во регионот е Словенија, на 35 место, Хрватска на 50 место, Грција на 58 место, Црна Гора на 61 место. Полошо рангирани од Македонија се Бугарија на 69 место, Србија на 71 место , Босна и Херцеговина на 76 место, Албанија на 88 и Косово на 103 место.
Според Индексот за 2015 година, најкорумпирани во светот се Сомалија и Северна Кореја, додека на врвот на листата се Данска и Финска.
