Концерт на биг бендот на МРТ вечерва во Сули ан

Концерт на биг бендот на МРТ вечерва во Сули ан

Во рамките на „Скопско лето“, вечерва (2 јули) на Факултетот за ликовна уметност – Сули ан со почеток во 21:00 часот, концерт ќе има Биг-бендот на Македонската радио-телевизија. Со оркестарот раководи Љупчо Мирковски, поранешен трубач во Биг-бендот, автор на забавна и џез музика.

Биг-бендот на МРТ е формиран во 1961 година. Негов прв диригент е македонската музичка легенда Драган Ѓаконовски-Шпато, а потоа диригентската палка ја наследуваат и Александар Џамбазов, Илија Пејовски и Кире Костов. До 2002 година, до кога оркестарот и дејствува во континуитет, тој претставува вистински стожер на македонската забавна и џез-музика. Особено е значајна неговата улога во афирмирањето на творештвото на македонските џез-композитори. По неколкугодишниот прекин на својата благородна уметничка дејност, Биг-бендот на МРТ во 2012 година беше обновен.

На концертот ќе настапат: Ристе Колев, Сенад Усеин, Александар Златевски и Драган Младеновски – труби, Сашко Николовски, Владан Дробицки, Никола Ристевски и Виктор Илиески – тромбони, Борислав Веселинов, Игор Стефановски, Иван Иванов, Игор

Иванов и Нинослав Димов – саксафони, Дамир Имери – пијано, Зоран Кирјаковски – клавијатури, Зоран Костадиновски – гитара, Мартин Вучиќ и Благоја Антовски – тапани и перкусии и Никола Автовски – бас гитара.

Извор