Изложба на рeномирани унгарско – ромски автори во Јавна соба

Утре во центарот Јавна соба свечено ќе биде отворена една несекојдневна ликовна изложба на доајените на ромската ликовна уметност, автори со најизразено творештво од шеесеттите години. Изложбата е организирана од страна на амбасадата на Унгарија во Скопје и ФРОКК од Будимпешта, а ќе биде отворена за сите посетители од 5 до 27 април.

Во 60-тите години од 20 век започнува континуирано збогатување и застапеност на ромската уметност во Унгарија. Творештвото на овој етникум, кој се смета за најсиромашен во Европа, е едно од најбогатите во однос на колорити, емоции, искрени пораки и желба за пријатество и прифаќање. Критиките на светските ликовните критичари укажуваат дека ромската култура и уметност токму во 60 – тите години доживуваат раст, преродба и добиваат светски прпознатлива форма.

„Оваа генерација на 19 унгарски ромски сликари со исклучителен талент успева да креираа култура кај Ромите по која се водат и денешните генерации кои “де факто” не го акцентираат ромското потекло. Како и во тоа време така и денес сите испраќаат една порака, да бидат прифатени со чисто срце“, се вели во најавата за изложбата.

Отворањето на изложбата на 19 ромски сликари, со 28 масла на платно, ќе биде програмски збогатена со Бојана Фабел трио и ромска џез музика, дегустација на унгарски специјалитети.

Влезот за сите посетители е бесплатен.